الكاتب: أمين حداد

الكتاب عبارة عن مجموعة شعرية تحتوي على تسعة و أربيعين قصيدة منها ( سفير، في الموت حنعيش، حكايات، ابني، لا يوجد أحد بالمنزل، دموع، فؤاد انسان......) سافر زى الضوء ما يسافر من نجمة في آخر الكون لكواكب بتسير سافر من شمعة على الطرابيزة لحيطان مدهونة بجير وخياله عليها كبير سافر في سنين غلبانة تفرش أرضها بحصير لسنين مجنونة، عليه بتغير سافر و كأنه سفير لبلاده في بلاد الأساطير يقول حداد في إحدى قصائده: أنا زعلان جداً جداً علشانك يا ميت فى أوانك قبل أدان الديك أنا زعلان جداً جداً علشاني مش راح أشوفك تانى يا أعز صديق والناس فى الشارع ماشية وماهيش شايفة البنت الحافية وبتبكى ورا الشبابيك ومحمد بيعيط زيك كان قاعد يكتب نعيك ابن فلان وفلانة وجوز علانة وأبو أبصر مين وقريب ونسيب عائلات أسماء عناوين وابنك واقف ياخد عزا والده والجرسون اللى بيعمل قهوة عرقه مصفر ياقته كله بياخد وقته وأنت ماخدتش وقت قررت تموت وقت ما أموت بالضبط أنا وأنت صحاب وحبايب من وقت الشِعر الخايب ولحد الشَعر الشايب.